06 highbury荷蘭燒銀紙之旅 5

06 highbury荷蘭燒銀紙之旅 5 (by 小菇) [trackback: http://firenzesze.spaces.live.com/blog/cns!A469720A60E1BC23!1689.trak]
19/4 what's going on?
amsterdam

難得酒店包早餐,我地都毫不客氣狂食...幾杯橙汁,幾個包,芝士,ham...好貪婪!!!咁要慳埋餐lunch麻(yes, i'm cheap~~~so what!)

食完就去keukenhof~~~
係去程有個tour guide講下野...個哥哥一輪咀咁用德文法文同英文講...真係勁...可惜佢唔靚仔...end of the story
車程一個鐘多d,但佢基本上講左一陣間已經收檔.仲要架車落完客又即刻再番amsterdam車下一輪客...真係夠晒貨如輪轉...
我對個keukenhof好有期望ga...但係期望越大失望越大真係always true...
唔係話d花唔靚,但我想睇一大片田然後係中間行呀...但個殊d花係細細堆細細堆咁...d花又好似來來去去個幾款...仲要有d tulip都無開!!!最後只係個外圍一個山丘仔上遠晀d田...好唔開心law!!!
好似維園呀...好似werekend一家大細黎玩ge地方....佢仲要有個位係養左d雞鴨牛呀,有d噴水池,迷宮咁ge野.....除左有座風車which is維園無之外,真係勁似維園law唔係講笑......最不爽係不斷有d唔知日本定韓國旅行團一車車咁係咁黎,9成個d遊客都係阿婆阿伯......

如果唔信荷蘭係一心屈遊客錢,check this out.去廁所,無論係公園定係商場even m記都要收錢.盛惠每次€0,5!!!呢個時候仲要有不幸ge事情發生左....殺我個措手不及!!!心情簡直直插谷底!!!

心情惡劣但除非你唔玩自己死番酒店,唔係都照planning繼續.so,下晝番到amsterdam,跟住又坐巴士去amsterdam附近一個town仔volendam.
沿途有d田,路2邊有單車徑.好似好正咁.係amsterdam都見d人係馬路上踩...橫衝直撞...好恐怖...好似係大陸.我諗要踩真係要睇後日去風車村時有無機會啦...始終我係特登係黎荷蘭之前係香港學踩單車ga麻(特訓左2堂)


volendam係個海邊小鎮.個town其實都好大好多人住咁ga,不過遊客區就只係沿住海邊個一條路,勁多賣野食同紀念品ge鋪頭,但其他地方都水靜海飛咁.海邊有好多遊艇,加埋沿岸ge可愛小屋都幾好feel ga~~~
真係勁鐘意d屋仔.佢同德國/windsor d屋仔又唔同ga woh,佢係好新,顏色好sharp,地下個大門隔離有個好大好大又好乾淨ge玻璃窗~~~
臨走前仲見到有堆荷蘭小屋模型,勁靚!!!!
唔駛俾入場費ge town仔,反而好有surprise~~


一下子發生太多事啦下華?真係無諗過會咁....我到依家都唔係好信當時我會有咁大ge決心同堅持做到個件事....而且果個動作係非常crucial(probably the only rite thing i"ve done during the whole trip...)...令到情況不至變成"無得救"...
但係果個時候...無人想呢d事發生...而個trip都因為咁而變質....我唔係話搞到呢個地步我無責任...只係...suppose大家係黎玩黎relax....點解要搞到咁呢?frankly...it's a shame.....(連我阿仙奴贏左係highbury最後一場cl都唔識笑/提唔起勁....)

06 highbury荷蘭燒銀紙之旅 4

06 highbury荷蘭燒銀紙之旅 4 (by 小菇) [trackback: http://firenzesze.spaces.live.com/blog/cns!A469720A60E1BC23!1684.trak]
18/4 fly me to the Netherlands~~~
london -> amsterdam

訂機票時通常都覺得早機無問題,8點幾?no problem...但成日都唔會諗到要早2個鐘到機場同埋坐車去機場呢part都係要時間......8點機係gatwick飛,我地5點幾就起身....promised to be a long long day AGAIN....

坐tube到victoria站轉火車.慳家ge小菇當然唔會坐貴d ge gatwick express.用錢買時間,我永遠都唔會做....
去到BA櫃檯前見到長長ge蛇餅....係迷茫之際有個大叔(ba staff)過黎幫我地手,係出面d電腦自助check-in.佢話5月要去香港同大陸...香港同英國ge connection真係強烈啦...唔知佢會唔會keep張中環-->南丫島船飛,第日俾boarding pass d客時就遞張船飛俾佢呢....

本身我個人都咩時間觀念ge啦,遇著呢d仲要involve時差ge flying schedule我就更加迷失倫敦law...本來我見個arrival time唔知粒幾鐘ga麻...但結果只係用左25min就去到amsterdam!!!
之前billy話過amsterdam個機場好唔得....well...我覺得d海關好唔得law!煩到死.阿朱第一個過關,我見問左佢好多問題(又唔靚仔,靚仔就話同係傾多2句無所謂je...).到我時見佢拎住個放大鏡狂照張相~!!大佬,唔係想對下我d暗瘡數目同位置match唔match呀?

之後坐火車出市中心.一出火車站條main street(好似叫dam street)好多鋪頭賣紀念品,particularly係d橙色ge野~同london好唔同..可能因為london大,都未試過見到成街都係遊客呢d景況(又或者我so far都未去d好遊客ge地方啦下...)...可能london實在太多唔同races ge人,大家一齊行一齊坐tube實在好平常,見到中國人/印度人/黑人/白人/菇 even 揹住backpack都會覺得佢地/自已好"local",唔覺得佢地/自己係個遊客~~~真係好自在...有時係香港見到鬼佬都唔會咁自在...而行係amsterdam ge街上,大家都好似刻再遊客2個字係額頭咁....呃遊客錢個feel強烈好多....sad...

book左果間酒店話行15mins,within walking distance...頂,行左好耐好耐都唔見
妖~~~我都已經帶少左野,一條腸,一個細背囊...最q衰係隻鬆弛熊....阻訂到死....xziuy(*&**)z*(x....(who to blame?)
我將個仔放左入條腸到,搞到條腸勁重...上膊行左最多2個字,個膊頭係痺law!!!
15mins我諗最終我地行左45mins!!!is that 15mins by car?
好彩間野都幾靚,唔係同佢死過!!!

放低d野又番出去火車站,sort of down town咁啦.由於每日行45mins番酒店基本上係無可能,第一時間撲去買車飛時.佢d車飛好搞笑係分開好多格格~~可以揀唔同格數.去唔同ge距離就扣唔同格數,只要夠格格可以一張飛幾個人用都得~~~仲要係地鐵/電車/巴士兼且全國唔同城市都用得~~~!!!amsterdam其實好細,我地住個殊係museum區,最方便係坐電車啦,一個字左右就出到去,而且只係要一格飛~~~電車呢d簡單短途野,上車自己走去打卡就得~~~第一之坐係一頭霧水唔知點打一格...原來所謂一格係要有一個吉格,係吉格之後個格隊入卡機到打上時間,我會叫咁樣做2格law其實....好煩呀~~~不過,有個精明ge會計師係殊,打飛個責任當然好快就落左係wance身上~~~哈哈~~~同埋坐長途d ge車可以話俾司機知佢就會幫你打埋~~~

出番火車站對面ge旅遊中心book去keukenhof的tour.去到呢個位突然發覺,好似so far遇到的荷蘭人,佢地d英文都好好,但每次你開口同佢地講英文先,佢地都會定一定神,停2,3秒,之後就好流利咁爆d英文出黎~~btw,個tour,只係包travel同入場費,4.5 hrs盛惠€30!!!貴到嚇死人(都話佢地係擺明呃遊客錢law)...

之後就係市中心行下.去左floating flower market,買左d手信,同埋tulip頭(好似水仙花頭咁)!之後差不多天黑時去左紅燈區.西歐遊話d女唔得,又肥又老....但唔係woh,我覺得係又嫩口又好身材先真bor.不過都唔係好敢望太耐...3個女仔係個殊都係有d odd....經過d草草cafe...好臭,煙味都頂唔算,呢d味更加難頂~
行完就番酒店lu...今日咁早起身...況且趕住番去睇barca呀~!!

p.s.仲有迷幻蘑菇鋪!!!omg!!!

06 highbury荷蘭燒銀紙之旅 3

06 highbury荷蘭燒銀紙之旅 3 (by 小菇) [trackback: http://firenzesze.spaces.live.com/blog/cns!A469720A60E1BC23!1646.trak]
17/4 輕輕的我走了,正如我輕輕的來
cambridge

都未回到氣,今日又一大清早走去cambridge.係victoria站轉長途巴,大約2粒鐘.
買飛個counter個大叔,俾完錢之後俾左張飛我地,佢果樣勁估惑...一睇張飛"中環-->南丫島"

做咩有人會將中環-->南丫島船飛拎番英國再放係自己office ga!!!!!係唔係太多香港人黎英國所以佢成日有得拎出黎玩呢?!!

london依家對我黎講最大ge connection可以話係football....坐係車殊見到個著west ham track suit ge哥哥係殊跑步...做咩呀?我將gooner刻係面上咩?好似仇視我咁ge?(定係我bear佢在先呢?)..係woh,見果d經過ge地鐵站名好似係west ham果頭....咁即係upton park就係附近?一路就好anxious咁左望右望.....

去到cambridge時候又重覆犯左同一錯誤--懶醒
去旅行時一直都採用一個策略,就係向人多ge地方行,咁就一定可以搵到d景點~~~~
咁多年黎都好work ga...真ga...不過唔該你將視線向360度都望一次先啦....見左面好多人行,諗都唔諗就撲左埋去.行左一陣只係見d鋪頭呀咁,仲有個好大ge shopping mall....
走左入去個food court食左少少野,之後又懶醒咁行左第2個出口出...以為自己好有方向感麻,向住自己諗住係岩ge方向行去未得law....我對不走回頭路係好有堅持ga!!!(死,以後我諗無咩人敢再跟我去旅行...)
點知又lai野...出左去都唔知咩地方....
搞左陣,勉勉強強係旅遊書(又係佢呀,西歐遊呀!!!XDDDD)個地圖殊搵番點行去"康河"(thx wance,好次wok wok都係佢打救我~~~~~哈哈哈~~~~

行完一餐死原來發覺d點景係落車之後轉右...唉...真係....眼大睇過龍...
cambridge ge感覺好似古城咁,有d好大座ge教堂/屋/學校???啡色磚牆,細窗仔,拍得好埋ge屋,有d殘舊ge感覺....sorry,唔係我杯茶~~~係市集一堆屋之間左轉右轉,終於轉到出河邊啦~~~~
一大片草地,有水有槁有楊柳~~~油油的水草在水底招搖!?no...d水咁污濁點睇到水底d水草呀?感覺似個好大好大ge後花園....詩意就真係唔多覺....坐艇仔?wah~~~~成10鎊一個woh大佬,梗係唔坐...有人想殺左我....咁但係百幾蚊扒艇仔!!!!唔好玩啦!!!咁我都話你地去最多我等ga啦麻.....仲有d咩俾錢入果d colleague參觀...唔好啦.....(我諗阿朱feel到上左賊船咁....sorry 如果令你覺得無癮,但money is an issue + i'm not interested really...下次get prepared自己入去我係出面等law最多....)
開始感受到英國ge天氣有幾乞人憎啦...d雨呀,落下停下....好煩呀!!!走時仲要落好大好大雨...嘩!~~~落到啪啪聲ge???oh shit!!!!落雹呀!!!!
落左一陣,佢又出番太陽!!!!我好明白平時d球員打波時係咩感受...我依家就係殊感受緊law,一時淋濕晒你之後又將你晒番乾....

回程加送tower bridge同tower of london遊.當然又係無俾錢上去啦....咁我真係覺得俾錢上去睇個冠好無聊麻...仲要排餐死!!!!唔好玩啦!!!!

06 highbury荷蘭燒銀紙之旅 2

06 highbury荷蘭燒銀紙之旅 2 (by 小菇) [trackback: http://firenzesze.spaces.live.com/blog/cns!A469720A60E1BC23!1643.trak]
16/4 喜愛windsor的小屋
windsor

今日出windsor.係waterloo站搭火車去,個拎鐘頭.
d火車好靚呀~沿途d景都好靚~我真係好鍾意d小屋呀,好cute好得意

去到都差唔多lunch hr,走左去間印度餐廳食野.6,7鎊一個人其實都唔係貴...不過都係情願慳番d錢買野~~~轉個頭係間鋪頭仔買左件CH€£$€A字樣ge tee~hahaha之後見到有見米字旗底好鬼火ge tee,上面寫住"my sister(仲有friend/brother/son/daughter...etc) went to london amd all i got was this lousy t-shirt"好想買俾我細佬!!!不過可以想像到佢會用一堆粗口回應我~

對於一d旅遊點/要俾錢入場ge地方我一向都唔感興趣,況且,再靚100倍個castle我都見過,呢個殘舊ful的我睇唔上眼~(好寸-3-呵呵~)同行ge2位似想入去行,不過見到門口條人龍之後就rd...
之後行番落山啦,條街好靚,d屋仔又係好靚...仲沿路係殊血拚///(omg,旅行的意義嗎?)

不過越行就越發覺越少人…落到山腳係死寂一片…仲發現盪失路...仲落雨!!!!嘩!!!我又係衰仔d...永遠係無地圖係手就亂行一通...上次係歐洲時又係咁...
"喂你識路ga?"
"唔識ga,是但行ga ja"
"........"
但又好彩次次俾我搵到路... 咁今次呢..都搵到ge,不過有d雨,淋住咁行又無地方避都幾慘....

番去london之後仲去左westminster,睇笨笨鐘同埋沿住river thames行左陣.由天光行到天黑...行到傻.... 影左D夜景...有D後侮無帶個腳架黎....但今日只係第2日我已經有D唔係好得ge感覺....一來年紀大,二來個仔真係好重...我個膊頭好酸痛!!!嗚嗚~~~~帶埋個腳架probably survive唔到....
10點幾番到去,收留我地個哥哥問,嘩,咁夜先番呀...再遲d我地就要打電話報警啦....

06 highbury荷蘭燒銀紙之旅 1

06 highbury荷蘭燒銀紙之旅 1 (by 小菇)
[trackback: http://firenzesze.spaces.live.com/blog/cns!A469720A60E1BC23!1639.trak]
15/4 人生最漫長ge一日
hk -> london

let me make one thing clear
如果唔係阿仙奴,我根本唔會去倫敦,even有免費住宿,英國都可以話係歐洲咁多地方裡面,對我黎講,最唔吸引ge地方.
所以為左make sure可以入到highbury睇波,都好義無反顧咁上網買牛牛....
但係出發前最後一刻都未拎到張飛...搞到我飛時都憂心重重...

到英國時係6點幾.之後同wance2個坐tube出west finchley
係heathrow出市中心個條piccadilly line會一路出到arsenal個站ga~車上面個張地圖有d公仔係殊,好得意~arsenal個站當然係我地ge highbury啦~忍唔住拎小菇出黎影下相~哈哈~

去到,阿朱係地鐵站等我地.我第一時間問張飛個情況...張飛牛牛公司之前寄掛號左去我地住個殊,阿朱d朋友ge屋企...但人地平時要番工,結果要去郵局自己pick up.我諗住今日香港都係public holiday,英國實係啦...咁我張飛點呀...哈~點知原來呢個係easter前一日ge星期六,唔係public holiday...郵局係會開ga!!!
真係估佢唔到...不過是單啦,最緊要就係有飛在手!!!

拎完飛wance同朱就出發去stonehenge
我就自己走去市中心逛逛先~
根據之前搜集番黎ge情報,決定出去tottenham court road(hate this name!!!)走番轉食下野先
12點幾就出發去球場.沿途都見到好多著波衫ge人
成車著住波衫ge人一齊落車,加上係地底行出arsenal個站,隧道個牆身有d關於阿仙奴ge painting,仲有成3個鐘先開波,已經係非常有feel.

一出個站,個感覺好得意,因為係見到好多球迷,但又見唔到個球場,因為佢係俾d民居圍住晒.行行下你會見到屋隔離有個入口~好搞笑.
我約左之前係forum識ge友哥係球場門口等.佢地有成7,8個人一齊去,好開心呀

搵左佢地幫我影相,又係街邊d攤檔買紀念品.無去到arsenal間shop買野呀,因為見好多人係殊.反正之後仲會番黎行個stadium tour,到時再血拚過~

我個位,係west stand,近住clock end個面的lower tier.本來有d失望ga,因為都知最die hard的fans通常都係north stand同east stand ga麻...況且d球員出黎熱身個位同我岩岩係大對角..激死.但之後一見d球員出黎熱身,我都好似癲左咁跑到去我個west stand gw另一面,扒晒係欄杆到狂影!!!

reyes正衰仔黎ga,我一影時佢就背住我!!(算,出年再影過,今日係為左highbury同柏金而黎)但我都影到唔錯ge rvp/亨利同柏金相~!!!最正係皮里斯走埋黎west stand呢邊個角球位練開角球呀!!!!嘩~!!!!皮皮!!!!

都未hyper完見人係殊派個見橙色db10 tee,我今日都應球會呼籲著左件橙色荷蘭zip up jacket黎捧場,個件tee xxl碼我都唔會著...不過紀念品呢樣野當然係有殺錯無放過.btw,我帶埋入場隻鬆馳熊都著住橙色衫ga!!!係我幫佢整ga~~~

終於開波啦~法比今日傷左無得踢呀... 不過佢俾fans選左做對上一個月ge最佳球員,所以開波前就出黎拎獎~嘩哈哈~佢地係east stand對出個位做個presentation...唉...我咩都睇唔到...都只係跟住全場大叫player of the month"CESC FABREGAS~~~~~"!!!!已經high到痺(我出年會再黎ga法比~)

現場睇波原來同電視睇係好唔同...d球迷如果唔唱歌,就會係好靜,間唔中聽到d踢波ge砰砰聲已而.不過好在呢d冷場唔係好多.我仲驚呢面看台d球迷會無咁熱情,不過都不斷有d大叔企係身帶隊唱歌~好正好正~我唔係好識唱但都跟到下"there's only one dennis bergkamp"咁ge.實在有太多野想講,highligh如下:

->有下rvp傷左,咁個比賽停左係殊啦.個時岩岩辛仔企係我地west stand前面,d人開始係殊唱senderos, senderos~.辛仔好似有d唔好意思咁樣向我d揮左一下手,好得意呀佢~好多人都多到都係殊笑~但d人仲繼續唱,佢非常尷尬地再笑下又揮下手~嘩哈哈哈~i love this guy!!!he's so cute~!!!!哈哈哈~~~

->由於班作客fans就係我地轉角位果殊,我地係咁cheer down佢地,仲要d歌仔包含好多粗口~好好笑

->一有chance大家都企係身,變左不斷聽到d啪啪啪聲...d摺chair啪番埋ge聲~!!!

->d fans一見球員拎波過半場就係殊嗌shoot~~~猶其係希比拎個波時...最恐怖有一次辛仔拎住個波岩岩過左半場d人又係殊嗌shoot...傻ga咩...

->下半場柏金入黎啦~嘩~high到!!!!但都未坐番低...竟然俾西布朗入波!!!

->下半場有次reyes埋黎開角球,果個位就係正我住個邊對落個位!!!!癲左咁狂叫!!!!reyes都聽到呀,佢回頭向我地拍手呀!!!!癲左!!!

->in the end今日ge主角都係柏金~先黎一個助攻俾皮皮贏到2:1~臨完場前一個trade mark curl個波埋死角入!!!!個下真係好想攬住隔離左右d人!!!!唔係好滿意坐依家呢個位?柏金係正我面前,對到正一正果個位射入佢職業生涯最後一個波呀!!!!!仲有無complaint呀?high到呢...無人肯坐番低,一路企到完場~!!!

->完場無幾耐見個電話響..omg,哥哥仔你唔知我黎左英國咩!!!(之後番黎問佢,佢話哈哈,就係知你入場睇波諗住打黎聽下現場氣氛!!!妖!)

睇完波又出左去tottenham court road行~好憎個站名,但竟然第2次去啦...
7點幾番home,咁岩係tube到見到wance同阿朱~
哈~今日真係勁長,做左勁多野...十個鐘頭flight+係london so far的13個鐘,technically speaking都係呢一日入面~!!!
噢~依家先岩岩天黑~~

小菇 06 歐遊記 - 前傳: same time last yr

same time last yr (by 小菇) [我 login 黎 post 架咋... trackback: http://firenzesze.spaces.live.com/blog/cns!A469720A60E1BC23!1638.trak]

舊年今日,我第一次,亦都係最後一次係highbury睇波...
估唔到咁快就已經一年

一個我最有planning ge trip:
book酒店房,買定晒飛去荷蘭ge機票plan實晒行程呢d唔係我平時ge作風
yet, 又係最唔sure d野ge一次:
一心去highbury睇波麻,點知到出發前一刻都係未可以confirm到張飛到手未...btw,如果我turn out係拎唔到張飛,我諗個trip會變左係好busy咁追番d錢!!!

anyway,4年後重遊歐洲大陸,感覺依然好正(其實只要離開hk就覺得正?)
唔同ge係,4年前我帶住dc去唔少人覺得好新奇好古怪;今日,當全街都拎住dc時,我反而帶住菲林相機~
wakakaka
小菇永遠都係咁型!!


p.s.我仲好掛住highbury,掛住amsterdam掛住風車村踩單車同食芝士.....